«JV MAN Auto – Uzbekistan» компанияси Қирғизистонга илк экспортни амалга оширди

Техника махсус буюртмага асосан тайёрланган бўлиб, топ-комплектацияда йиғилган. Машиналар карьер ишлари бўйича барча талабларга тўлиқ мувофиқ келади ва энди компания шериклари – “ДТ техник” МЧЖнинг ишончли ёрдамчилари бўлади.
Қайд этиш ўринлики, Қирғизистоннинг “ДТ Техник” МЧЖ ва  JV MAN Auto-Uzbekistan МЧЖ ҚК ўртасидаги махсус техника ва самосваллар етказиб бериш шартномаси жорий йил ёзида имзоланганди, бир ой олдин эса, Қирғизистондан шериклар делегацияси Ўзбекистондаги MAN заводига ташриф буюрган ва MAN юк автомобиллари ишлаб чиқарилиши жараёнини ўз кўзи билан кўрганди.

Бугунги кунда JV MAN Auto-Uzbekistan компанияси Қозоғистон, Тожикистон, Қирғизистон, Грузия, Озарбойжон, Украина ва Афғонистонга техника экспорт қилади. Компания ҳамкорлик сарҳадларини ва етказиб берилаётган маҳсулот кўламини кенгайтиришда давом этмоқда.